Предавањето „Џез: звук, слика, збор“ со Владимир Мартиновски ќе го отвори првото издание на фестивалот „Буквално. Џез.“ денеска во 17 часот во кафе-книжарницата „Буква“ во Скопје. Следува отворањето на изложбата „Џез“ на Диме Темков и Лучка Кошчак, кое ќе биде придружено со ритмички илустрации на Михаил Парушев и вечерен џез концерт на „Зулу 3.4“.
До недела во „Буква“ ќе се одржуваат џез-свирки проследени со различни настани. Сите настани во рамките на фестивалската програма се отворени и бесплатни, но може да купите симболичен „билет“ за да го поддржите фестивалот.
– Овие симболични „билети“ не се влезници. Вашата поддршка значи поголема шанса за културата – велат организаторите – Андреј Јованчевски, Анастасија Овчаренко и Александар Сандревски.
